مين أول واحد غمط وش الستات ؟

نفسى أعرف مين أول واحد لغمط وش الستات
كان نفسى اعرف مين الفتك اللى اخترع مواد التجميل بتات الستات ؟
او هى اساسا الفكره دى جت فى دماعه منين ؟
لكن للأسف كل اللى سألتهم .. لم يوصلونى ... للإجابه ولا لصاحب ها الاختراع الى مبوظ الفوط والملايات وقمصان الرجاله الخاينه ؟
هههههههههههههههههههههههه
واحد صحبى سألته السؤال ده ... عملى فيها أبو العريف وقال الى اخترع الحاجات دى مش حيخرج عن إتنين
( يإما بوهيجى - يإما نقاش ) كلام مش مقنع اساسا لكن لما فكرت فيه قلت ليه لاء ممكن يكون واحد من دول
سألت واحده قالت : وإنت مالك يا حشرى يا غلس - شوف الوليه فكرتنى بتريق عليها أو بنبط على كميه الألوان الى فى وشها !!
والله يا جماعه فى وشها كميه ألوان يدهنوا بيها عماره ......
قلت أسأل واحده عاقله شويه ووشها مسحاه بكلور .. قالت ليا الحكايه مش محتاجه فتاكه
( كل واحده فينا اهلها اشتروا ليها عروسه لعبه وفى ومعاها علبه ألوان - أل ايه ميك أب - او ميكياج )
ودايما كلمه عروسه فى أذهان البنات يعنى احسن حاجه واجمل شئ ومن هنا بقت كل البنات بتقلدها .....
سألت واحده ثالثه : قالت مش متأكده لكن حسب علمى إن أول من اخترع ادوات التجميل كانوا الفراعنه وخصوصآ الكحل
- ماشى خلينا نقول ان الفراعنه هما الى بلونا بالنيله دى وهما الى بوظوا وش الستات ههههههههههه خصوصا انهم كانوا نقاشين معابد
طيب إزاى قدروا يثبتوا الألوان على خلق الستات أصل معروف إن الانسان البدائى كان بياخد الألوان من الطبيعه الى حواليه
على كده بقى لما كان الأسطى فرعون يحب يجيب لون أحمر كان بيجيب قرد وينقعه فى طشط ميه ويلحوس بيه وش المدام هههههههههه
ولما يحب يديها بودره كان بيمسح وش الوليه فى حيطه مدهونه جير ؟؟؟؟ !!!!
بصراحه الموضوع ده حيرنى خصوصآ أنى لم اجد له إجابه عند كل اللى سألتهم عنه !
فلو كان حد فيكم يعرف ياريت يقولى والأهم من ده إنه يدلنى على الراجل الى أقنع أول ست إنها تقعد قدامه ويلغمط فى وشها كده ؟؟!!